7. janúar 2007

Jújú, kominn 7.jan...við höfum haft það mjög gott ...allir að koma til eftir hátíðirnar, fínt þegar reglan kemur á aftur og það er yndislegt að vera farin að vinna frá 8 - 14...allt annað, dagurinn verður miklu betri...við kláruðum púslið okkar fræga á þriðjudaginn og þá kom upp smá tómleiki...ferlega skemmtilegt að hafa e-ð svona fyrir alla fjölskylduna...Elín Inga hafði þó ekkert gaman að þessu...allir að púsla nema hún, en hún á hérna púsl sem púslar svo sem daginn inn og daginn út. Það var voða gott þegar helgin kom og aftur smá frí...en við ákváðum að vakna snemma, ég ætlaði að mála loftin inná baði og litla klósetti, en inná baði var alveg dökkblátt loftið og inná litla klósetti var alveg skær grænt...núna eru þau orðin hvít...frekar fín og Arnar var að skipta um tengla & rofa, ég þykist svo ætla að leggja í að mála eldhúsið og helst að byrja í vikunni og klára um næstu helgi...voða bjartsýn. Arnar fór áðan að kaupa miða á þorrablót reyðfirðinga sem haldið verður 19.jan, það verður örugglega feikna fjör. Í gær fórum við til ömmu Siggu í rosalega veislu í tilefni að jólin séu á enda...ég pakkaði jólunum reyndar niður á fimmtudaginn...þá var ég alveg búin að fá nóg á greninu sem var hérna út um alla stofu...og áður en ég vissi af var ég búin að taka allt jóladótið niður...nema reyndar jólagardínurnar í eldhúsinu, ég á ekki aðrar gardínur og verða þessar bara að hanga þangað til ég redda nýjum...heheh...hvar svo sem ég fæ þær.
Það er svo ákveðið Sigga Dísa skvísa flytur austur 29.jan...það verður voða gaman að fá hana.
Við komum örugglega ekkert suður fyrr en 31 mars...en það er ferming 1 apríl.